Ari'i 'Oe Hau Netball Tournament 2024

Ki he Tonga kotoa, ko e ta’u ni ‘oku loto ai ‘a e Kautaha leiti ‘o Tonga (TLA) ke fakalele ‘a e Tunameni fakata’u ‘a e Ari’I ‘Oe Hau Netball Tournament ‘o faka vahenga foki.

Ko e ngaahi pale ki he fe’auhi ni ‘oku lelei ‘aupito. Ko ia ai ko e ngaahi categories ki he fe’auhi.

‘Oku kau ki ai ‘a e;

Men Category (Timi tangata ‘ata’ata)

Senior Girls Category (Timi tamaiki fefine Lalahi)

Mixed Team Under 21 Category (Timi Tuifio ‘I lalo hifo he ta’u 21)

Girls Under 13 Category (Longa’i fanau fefine ‘i lalo hifo he ta’u 13)

 

Ko e fe’auhi ni foki ne anga maheni pe ia ko e fe’auhi ‘a e kau leiti mo e ngaahi timi tuifio. Ko e ta’u ni leva ‘oku fiefia ‘a e Kautaha ni ke fakamanatu ‘a e fe’auhi ni, ‘I he hoko ‘o e 30 ta’u ‘a e hoko ko ia e Ta’ahine ko Hon. Salote Lupepau’u Salamasina Purea Vahine Ari’I ‘Oe Hau Tuita Taione k oe pataloni ‘o e Kautaha Leiti ‘o Tonga. ‘Oku monu’ia ai ‘a e Kautaha ni ‘I he angafakatoo ki lalo ‘a e ta’ahine pea ki hono fakahingoa ‘a e fe’auhi ni ki he pataloni pe.

Ko e taumu’a foki ‘a e fe’auhi ni ko hono teke ‘a e potupotu tatau ‘a e tangata mo e fefine, ‘I he sipoti ni pea pehe ai ki he mo’ui lelei ‘a hotau fonua.

Ko ia ai, lesisita ha’o timi pea mei ho Vahenga ke kau mai ki he fe’auhi ni ‘aia ‘ok uteu fakahoko ia ‘I he ‘Aho 29 ‘o Sune ‘o lele ai ki he ‘aho 19 ‘o Siulai 2024

Ko e foomu lesisita teke ma’u ia mei he peesi facebook ‘a e Tonga Leiti Association, pe ko ho’o lava mai pe ki homau ulu’I ‘ofisi ‘I he Fakafanua Centre ‘o ma’u mei ai.

Fetu’utaki leva ki he;

‘Ofisi TLA – 28806

Email: info@tongaleiti.org (please spell leiti in Tongan)

Office Address: Suite 5, South Building, Fakafanua Centre

 

Foomu Lesisita ki he Ngaahi Timi fe'auhi ki he Ari'i 'Oe hau 2024