MISS GALAXY QUEEN PAGEANT 2024

Foomu Lesisita ki he Miss Galaxy 2024 

THEME: "Education is the Key to both Economic and Political Empowerment"

‘Oku teu fakahoko foki ‘a e fe’auhi hoihoifua ko ia ‘a e kau Leiti pe ‘oku ‘iloa ko e Miss Galaxy ‘o kamata  mei he Sapate 07th ‘o Siulai ‘o lele ai ki he Falaite 12 ‘o Siulai 2024.

Ko e fe’auhi ni foki ‘oku fakahoko ai ‘a hono teke ‘a e ngaahi taumu’a ngaue ‘a e Kautaha ni pea mo hono fakahahaa ‘a e taleniti ‘o e kau memipa ki he kakai ‘o e fonua.

Ko e Kaveinga ‘o e ta’u ni ‘oku fakatefito ia ‘I he mahu’inga ‘a e AKO pea mo hono teke ‘a e longa’I fanau ke foki ki he ako, he ko e halafononga ia ki ha kaha’u tu’uloa pea mo langa ‘a e ‘ekonomika ‘a e fonua.

THEME: “Education remains the Key to both economic and political empowerment”

Ko e ta’u ni foki ‘oku fiefia ai ‘a e Kautaha ni ke ‘omi ai ‘a e kau fe’auhi ke sivisivi’I mo fakamaau’I ‘a honau nima mea’a, fakakaukau fo’ou pea mo honau taleniti ‘i he;

1. Pre-Pageant Interview – Fe’auhi tali fehu’I ‘a e kau Miss ‘I he Kaveinga ‘o e ta’u ni, ki hono faka’ai’ai ‘a e fanau tangata, fefine, leiti mo e taha kotoa ‘a e mahu’inga ko ia ‘a e AKO

2. Island Creation – Ngaohi ‘a e teunga tu’u fonua ‘aki ‘a e ngaahi koloa mahu’inga ‘o Tonga. Ko e taha ‘eni ‘a e teunga ‘oku mahu’inga foki ki hono kei ngaue’aki ‘a ‘etau ngaahi koloa mahu’inga ‘I he fakakaukau fo’ou pea mo e sipinga kehekehe ‘o e kuonga

3. Recycle Wear - Ngaohi ‘a e teunga ‘aki ‘a e ngaahi koloa kuo ‘ikai toe ngaue’aki pe li’aki. Ko e taha ‘eni ‘a e tokoni ‘a e kautaha ni ki he langa ngaue ki he feliliuaki ‘a e ‘ea

4. Talent Quest – Fe’auhi taleniti fili ‘a e kau Miss, ‘oku fili pe ai ‘ehe taha kotoa ‘oku fe’auhi ‘a e fa’ahinga taleniti tauolunga, hiva, takisi, kalate pea mo e ngaahi me’a pe ‘oku malava ke maumau ai ‘a e siteisi ‘I he Holo Fakamanatu.

5. Business Advertisement Taha ‘eni ‘a e fe’auhi ‘oku fili ia mei he ngaahi Pisinisi Lalahi ‘oku nau fakapa’anga tu’u kimu’a ‘a e fe’auhi ni, ‘aki ‘a hono tu’uaki ‘e kau Miss ‘a ‘enau ngaahi pisinisi ‘I he funga siteisi foki.

6. Galaxy Wear – Ko e vala foki ko ‘eni ‘oku fe’auhi ai ‘a e kau Miss ki he vala ‘o e vavaa mo e tu’a mamani. Ku tau ‘ilo pe foki ‘a e ngaahi vala ‘oku haa ‘I he faiva ‘I he fakaonopooni ko ia ‘a e teunga ko ‘eni.

7. Evening Gown – Ko e vala fakamuimui taha foki ‘eni ‘a e teunga polo, ko e taha ia ‘a e ngaahi teunga faka’ofo’ofa pea ki he fomolo pea mo e ngaahi me’a Lalahi ‘oku fai ‘I he fonua.

 

Fetu’utaki leva ki he fakaikiiki;

‘Ofisi TLA – 28806             Facebook Page: Tonga Leitis Association

Email: info@tongaleiti.org (please spell leiti in Tongan)

Office Address: Suite 5, South Building, Fakafanua Centre

 

Lomi 'a e ki'i link 'i lalo keke lesisita ki he fe'auhi Miss Galaxy 2024

 Foomu Lesisita Miss Galaxy 2024